Skip to Content

Saídas didácticas

SAÍDA DO 2.º CICLO: CAFÉ MODERNO/CAIXANOVA

Luns 17 de novembro de 2014

Os alumnos/as do 2.º ciclo de Primaria fomos os primeiros en inaugurar as saídas deste curso.

Primeiro visitamos o Café Moderno, onde participamos nunha actividade moi divertida de sombras chinescas.

 

(Premendo na seguinte fotografía podedes acceder á galería)

 

Logo dirixímonos ao Auditorio Caixanova para ver a obra "Antía, Wamba e o regato pequeno". Aí non puidemos facer fotos pero, se queredes saber máis sobre a obra, podedes descargar a unidade didáctica nos documentos adxuntos:

 

 

EXCURSIÓN DE FIN DE CURSO 2014 2.º e 3.º CICLO

O pasado 30 de maio os alumn@s do 2.º e do 3.º ciclo de Primaria preparamos as mochilas e os bocadillos para... ir de excursión de fin de curso!!!

Os lugares que visitamos este ano foron Sogama e Santiago.

 

Comezamos a mañá vendo unha maqueta da central de reciclaxe:

Despois de vestirnos axeitadamente, visitamos as instalacións:

 

 

 

 

 

 

 

 

Cando rematamos de comer, agardaban por nós os tobogáns e os túneles de Indiana Bill :

 

FOI UN DÍA XENIAL!!!

 

Clicade nesta fotografía para acceder a toda a galería:

 

EXCURSIÓN DE FIN DE CURSO 2014 INFANTIL/1.º CICLO

Por fin chegou un dos días máis esperados por todos:

A EXCURSIÓN DE FIN DE CURSO!!!

O pasado venres 30 de maio o alumnado de Educación Infantil e do 1.º ciclo de Primaria, acompañados das nosas mestras, pasamos un día xenial, cheo de emocións e novas experiencias que máis de un gardará no seu recordo para sempre.

Pola mañá visitamos o zoo da Madroa en Vigo. Jorge, o noso guía, ensinounos moitos animais, entre eles, canguros, cebras, avestruces, emús, panteras, leóns, tigres, osos, linces...

 

 

Pola tarde foi o turno do parque de bólas en Pontevedra. Despois de comer, agardábannos tobogáns, labirintos, túneles... e moitas máis diversións.

 

PASÁMOLO EN GRAAAAAAANDE!!!

 

Clicade en calquera das dúas imaxes para ver todas as fotografías deste fantástico día.

 

SAÍDA DO 3.º CICLO AO CAFÉ MODERNO E AO TEATRO

Os alumnos/as do 3.º ciclo visitamos o Café Modermo e o Auditorio Caixanova en Pontevedra.

 Primeiro, visitamos a exposición.

 

Logo, fixemos as nosas obras de arte.

 

 

Para rematar a xornada, asistimos ao auditorio Caixanova.

 

Foi unha mañá moi divertida!!!

 

VISITAMOS NATURNOVA

O día 20 de novembro realizamos a primeira saída no 2.º e no 3.º ciclo de Primaria. Visitamos Naturnova, un Centro Interactivo de Educación Medioambiental que ten como obxectivos estimular o coñecemento do mundo que nos rodea e difundir a súa importancia. A información preséntase mediante imaxes virtuais, recreación de ambientes, olores...

Aprendemos moitos temas dunha forma experimental, lúdica e participativa, achegándonos ao noso mundo desde os aspectos globais ata os máis cercanos.

 

Se queredes saber máis sobre Naturnova, clicade aquí.

 

Para lembrar esta interesante xornada só tedes que premer na fotografía:

 

SALÓN DO LIBRO 2014

O pasado martes 25 de marzo, os nenos/as de Educación Infantil e do 1.º ciclo de Primaria visitamos o Salón do Libro en Pontevedra.

 

O tema elixido para este ano foi "Cociñando contos" e, como vos podedes imaxinar, estivemos rodeados de moita comida e dunha morea de libros!!!

 

Nada máis chegar recibiunos Orbil, un simpático lobo que  é a mascota do Salón do Libro.

 

 

Sabedes de onde vén o seu nome? Déixovos unha pista: fixádevos ben na orde das letras!!!

O R B I L

 

Para rematar a xornada, disfrutamos da obra de teatro "A pota que trota", baseada nun libro da editorial OQO. Podedes ver a historia no seguinte vídeo:

 

 

Para acceder á galería e lembrar esta divertida visita clicade na fotografía:

 

 

VISITA DO 1.º CICLO AO TEATRO CAIXANOVA

Se a semana pasada os nen@s de Educación Infantil realizaron a súa primeira saída, o día 26 de novembro foi o turno do alumnado do 1.º ciclo.

Había nervios, entusiasmo, impaciencia pero, sobre todo, moooooitas ganas!!!

O Café  Moderno foi a primeira parada. A través do taller de arte "Pinceladas máxicas" fixeron un percorrido pola Pintura Galega.

Comezaron coloreando o rostro de Nefertiti con cores pasteis e con cores escuras, para observar como un mesmo debuxo cambia totalmente segundo as cores coas que se pinte.

Logo realizaron unha visita guiada por toda a exposición. Na parte inferior esquerda deste cadro hai un nome agochado.

Serás capaz de descubrilo? É un pouco difícil...

Despois da tomar a merenda foron ao teatro a ver a obra musical "A nena e o grilo nun barquiño". Foi tan divertida e tiña unhas cancións tan bonitas que todos saíron encantados!!!

Se queres ver un resumo do argumento clica aquí

Para descargar a unidade didáctica clica aquí

Para acceder á galería preme sobre a foto:

EDUCACIÓN INFANTIL ASISTE AO TEATRO CAIXANOVA

O pasado 20 de novembro, os nenos e nenas de Educación Infantil realizaron a súa primeira saída do curso.

En canto chegaron a Pontevedra, agardábanos no Café Moderno, onde tiñan preparado un taller de arte titulado "Da fantasía á realidade". Ademais de experimentar con cores pasteis e escuras, puideron aprender algúns aspectos moi interesantes relacionados coa Pintura galega.

Rematado o taller, era o turno do teatro. O título da obra, "Nuncabunga", resultaba curioso pero... de que podía tratrar?

Clica aquí para ver un pequeno resumo ou aquí para descargar a guía pedagóxica.

Foi unha obra fantástica e os nen@s pasárono xenial!!!

Para acceder á galería preme sobre a seguinte foto:

Distribuir contido


by Dr. Radut