Ciencias Sociais

    Durante o terceiro trimestre deste curso o alumnado de 3ºESO participou nunha nova edición da “Acción Artística Contemporánea” titulada “Cuidamos a Terra. Queremos Futuro” que culminou cunha exposición dos traballos realizados no Centro Cultural Torrente Ballester.

    Nesta ocasión a temática elixida era o mar, unha cuestión abordada desde moi diferentes perspectivas e que involucrou a un gran número de estudantes e profesorado. Foi así que desde as materias de Cultura Clásica e Lingua Galega foron estudados os mitos e lendas relacionados co mar.

    Desde hoxe 25 de maio ás 19:00 pódese visitar na Sala Julia Minguillón do Centro Cultural Torrente Ballester os traballos realizados polo alumnado de 3ºESO dentro dos obradoiros de artes visuais impartidos por Ladislau da Regueira durante o último mes.
   Esta actividade naceu como unha iniciativa dos departamentos de educación plástica e visual e de xeografía e historia no marco do Club de Letras para utilizar os recursos do Espazo Maker, pero foi crecendo coas achegas de toda a comunidade educativa do IES Sofía Casanova e coa colaboración da Concellaría de Cultura do Concello de Ferrol.

    Este mércores 6 de febreiro, o alumnado de 3º ESO visitou o Parque Eólico Experimental de Sotavento.

    A visita estivo xestionada polo departamento de Tecnoloxía e estiveron acompañados por profesorado de Tecnoloxía e Xeografía e Historia.
    Alí puideron coñecer o funcionamento dun aeroxerador, o concepto de vivenda bioclimática, diferentes formas de aforro enerxético e os tipos de enerxía renovables que hai.

  O xoves 3 de maio os estudantes de 2º da ESO tiveron a segunda sesión de traballo dentro do proxecto “Fálame da emigración” organizado por Afundación. Nesta segunda sesión os alumnos poideron explicar aos voluntarios deste programa as súas investigacións realizadas sobre as súas familias o que serviu para coñecer e analizar o fenómeno das migracións contemporáneas contando con casos reais e próximos.

    Neste enlace podedes acceder á presentación inicial do proxecto que inclúe os códigos qr que enlazan cos traballos presentados polos estudantes. Na web de Afundación podedes tamén acceder ás fotos da primeira sesión e no Diario de Ferrol aparece recollida a realización desta actividade.