Skip to Content

Cultura Clásica

ACCIÓN ARTÍSTICA CONTEMPORÁNEA

Lun, 27/06/2022 - 04:44
   

    Durante o terceiro trimestre deste curso o alumnado de 3ºESO participou nunha nova edición da “Acción Artística Contemporánea” titulada “Cuidamos a Terra. Queremos Futuro” que culminou cunha exposición dos traballos realizados no Centro Cultural Torrente Ballester.

    Nesta ocasión a temática elixida era o mar, unha cuestión abordada desde moi diferentes perspectivas e que involucrou a un gran número de estudantes e profesorado. Foi así que desde as materias de Cultura Clásica e Lingua Galega foron estudados os mitos e lendas relacionados co mar.

O alumnado de Cultura Clásica de 3º da ESO visita o Centro de Interpretación de Caldoval

Lun, 13/05/2019 - 06:39
   

     O pasado venres 10 de maio, o alumnado de Cultura Clásica de 3º da ESO A, B, C, D visitou o Centro de Interpretación de Caldoval, onde puideron ver os restos arqueolóxicos dunhas thermae romanas pertencentes a unha villa a mare romana habitada na época imperial (s. I e V d C.).
     A través dunha visita guiada os alumnos puideron comprobar como vivían e se cuidaban os habitantes da Galicia romana. Coñeceron o funcionamentodos dos baños, o seu uso, e as características de cada unha das estancias do circuíto termal; vestimentas dos bañistas e calzado; que facían nos momentos de ocio; os deportes e xogos que practicaban.
    Tamén participaron nun obradoiro de ourivaría, que lles permitiu achegarse á ourivaría romana, e incluso practicar a elaboración dalgunha peza.

Viaxe á neve do alumnado de 3º de ESO

Mar, 06/02/2018 - 08:54
   

     Entre os días 24 e 26 de febreiro, un grupo de alumnos de 3º ESO, acompañados polos seus profesores de Cultura Clásica e Educación Física, visitaron as Médulas e Leitariegos.

    O primeiro día estiveron nas Médulas, onde realizaron un percorrido guiado. Entraron na Galería de Orellán e visitaron o Centro de Interpretación. Xa no albergue de Villablino, o segundo día subiron a esquiar á estación de Leitariegos.

    Ver fotografías.

Sonoro empeño

Dom, 07/01/2018 - 13:17
 

 O pasado luns 18 de decembro, o alumnado de 2º de ESO, acompañado polos seus profesores Julia de Partearroyo e Daniel Iglesias, visitaron a exposición «Sonoro empeño. A música nas coleccións ABANCA e Afundación» na sede de Afundación de Ferrol.

    Alí puideron observar as relacións entre a música e as artes plásticas e aprenderon as conexións experimentando de seu o intercambio de sensacións.

O Sofía Casanova presente en Romanía

Mér, 29/11/2017 - 07:20
   

    O noso centro, coa valiosa colaboración do CFR de Ferrol, está a participar nun proxecto Erasmus+ relacionado coas linguas.

   Neste mes de novembro levouse a cabo a mobilidade dunha profesora do centro á cidade de Tulcea (Romanía) para participar no curso “Transdiciplinarity through outdoor learning in Danube Delta”.
    Durante cinco días o profesorado participante traballou de xeito teórico e práctico en cómo desenvolver actividades ao aire libre para calquera materia e visitaron dous centros escolares: Unha pequena escola rural no corazón do delta do Danubio e o instituto de ensino secundario Spiru Haret na cidade de Tulcea.

         Galería de imaxes

Visita a Caldoval

Mar, 07/11/2017 - 08:13
 

   O alumnado de Latín e de Cultura Clásica acudiu o venres 3 de novembro ao Centro de Interpretación de Caldoval en Mugardos.

    Alí realizaron unha visita guiada polas instalacións do museo e do xacemento arqueolóxico e participaron nun obradoiro de elaboración de perfumes coas técnicas da época. Ambas actividades estiveron magnificamente organizadas polo persoal do centro.

    Foi unha visita moi interesante que acercou aos estudantes á vida cotiá na época romana dunha forma lúdica e diferente.

Festival de Teatro Grecolatino de Lugo

Mér, 15/03/2017 - 08:54
   

     Os alumnos de ESO (3º e 4º) e Bacharelato (1º e 2º) que cursan as materias de Latín, Grego e Cultura Clásica, asistiron ao Festival de Teatro Grecolatino de Lugo.

    Acompañados dos seus profesores, Julia de Partearroyo e Román Bravo, visitaron algúns restos romanos da cidade e asisitiron a dúas representacións: Electra de Sófocles e Epídicus de Plauto.

Festival de teatro grecolatino

Ven, 04/03/2016 - 14:52
   

    O alumnado de Cultura Clásica de 3º de ESO e de Latín e Grego de Bacharelato, acompañado polo profesorado destas materias, acudiu o martes 1 de marzo á representación de Electra de Sófocles e Asinaria de Plauto no teatro Colón da Coruña.

    Ambas obras foron representadas polo Grupo Párodos, premio nacional de teatro clásico do Ministerio de Educación, e formaban parte da programación do XVI Festival de Teatro Grecolatino.

    Todos os participantes nesta actividade quedaron encantados coa profesionalidade dos actores e ao remate das obras un grupo de alumnas de 1º de Bacharelato foron aos camerinos para felicitalos polo seu traballo.
Distribuir contido


by Dr. Radut