Actividade interdepartamental

     A prensa local recolle a visita ao Teatro Jofre da Compañía Cariátides, nacida no IES Sofía Casanova no marco do Proxecto LÓVA (La Ópera, un Vehículo de Aprendizaje): La Voz de Galicia, Diario de Ferrol).
    O día 22 algúns membros da compañía acudiron a Radio Voz e contaron aos oíntes en que consistía o seu proxecto.

      Na entrada do instituto estes días pódense atopar algún dos traballos que fixemos no noso papel de VENUS, como parte da nosa participación no proxecto Sistema Solar Ferrolterra.
    Están expostos os logos propostos para o proxecto e a interpretación da Venus de Botticelli que fixeron na materia de EPVA de 4º ESO, e unha selección de libros, feita desde a biblioteca, tanto científicos como de poemas. Tamén hai unha sección máis científica realizada polos compoñentes do club de ciencias, e unha selección de poemas relacionados con Venus que recompilou o noso profe de Lingua Castelá, Daniel Iglesias.
    Este é o froito dun traballo multidisciplicar e o resultado é espectacular. Grazas a todos polo voso esforzo todos estos meses!

    Adiantamos aquí os primeiros resultados dos obradoiros de radio: na primeira sesión, aquel alumnado que o desexou puido gravar unha proposta de como acadar o obxectivo escollido pola súa clase: a redución da pobreza ou a redución das desigualdades.
    Finalmente, desde as Asociación Galega de Reporteir@s Solidari@snos enviaron estas cuñas sonoras. Para poder compartir as ideas do alumnado co resto do centro, colgamos estas propostas no "Recuncho do Mundo que Queremos"

    O pasado martes no club de ciencia contamos coa visita de Paulino Gasalla, da SGHN, que nos deu unha charla de astronomía.
    No marco do proxecto no que colaboramos, Sistema Solar Ferrolterra, dende a biblioteca do Sofía, fixemos unha viaxe para coñecer o Sol e os planetas que participan neste proxecto. Profundizamos un pouquiño no planeta que nós representamos, Venus, e os rapaces participaron moi activamente facendo preguntas e amosando un grande interese.
  Agardamos ter máis charlas así de interesantes.