Actividade interdepartamental

     Os alumnos de 2º bacharelato visitaron Madrid entre o 6 e 8 de abril. Nesta visita, organizada polos departamentos de Xeografía e Historia e Tecnoloxía, o primeiro día percorreron a cidade (circuíto con guía) a fin de estudar distintos aspectos do plano urbano; pola tarde visitaron o Museo Nacional de Ciencias Naturales; remataron o día asistindo á representación de Ushuaia (obra de Alberto Conejero, interpretada por José Coronado) no Teatro Español. O segundo día adicáronse a realizar un circuíto guiado de arquitectura contemporánea e a visitar o Museo Reina Sofía. Deixaron para o último día a visita ao Museo del Prado.

       Galería de imaxes

    O pasado luns, 16 de xaneiro, o alumnado de 1º de bacharelato do centro asistiu no salón de actos a unha charla que impartiu Alejandro Montero, enfermeiro da unidade de transpalntes do CHUAC, sobre a doazón de órganos e tecidos.

    Xunto con esta interesante labor de concienciación que vimos desenvolvendo no instituto desde hai uns anos, este anos incorporouse unha clase teórico-práctica de Reanimación Cardio Pulmonar (RCP).

    O noso alumnado aprendeu a importancia de ter unha segunda oportunidade, reflexionou sobre a importancia da doazón para salvar vidas e relizou ,por primeira vez, técnicas de reanimación con maniquís especiais.

    O venres 14 de outubro, o alumnado de 1º e 2º de ESO, acompañado polos seus profesores Silvia, Eva, Alberto, Antía, Ana, Andrés e José María, acudíu ao teatro Jofre a ver a película "Secretos de guerra" dentro do programa "Cinensino" para a prevención de consumo de alcol e outras adiccións no que, outro ano máis, participa o noso centro.

    A película aprendeunos que a amizade é un dos nosos catro grandes tesouros; que a liña que separa a súa consistencia da súa fraxilidade non depende so do esforzo cotián que fagamos por cultivala e que se as nosas decisións teñen esa mirada limpa coa que os nenos encaran o mundo seremos quen de anular o odio.

Agora, traballaremola nas titorías.

    Miguel Ángel Aguilar recibirá o Premio José Couso de Liberdade de Prensa en Ferrol o día 3 de maio (Día Mundial da Liberdade de Prensa).

    Ese mesmo día estará no Sofía e conversará cos alumnos sobre a súa experiencia como comunicador.
    Esta actividade está organizada polo Colexio Profesional de Xornalistas de Galicia  e inscríbese dentro do proxecto ‘Xornalismo na Escola’, consistente en impartir talleres en centros de secundaria para alumnado de 3º ou 4º da ESO.

    Máis información no blog da biblioteca.