Dende o centro educativo estamos manexando a proposta dunha viaxe á neve para o alumnado de 3º da ESO. A viaxe ten como obxectivo ofrecerlle ao alumnado a posibilidade de iniciarse nun deporte maioritariamente descoñecido para o alumnado, nun contexto lúdico e novidoso.
A proposta que manexamos sería unha viaxe de 4 días á cordilleira de León (ben na estación de esquí de Leitariegos ou na estación de esquí de San Isidro). O prezo aproximado rondará os 500€. Dito prezo inclúe transporte, aloxamento e manutención en réxime de pensión completa, alquiler de material de esquí (bastóns, esquís e casco), acceso á pistas, monitorado de tempo libre 24 horas (que organizarán distintas actividades de ocio para a rapazada no seu tempo libre) e clases de esquí con profesorado experto.
Ao longo da próxima semana faremos unha sondaxe nas distintas clases para saber canto alumnado estaría disposto a anotarse á actividade (tras coñecer as condicións da viaxe e valorándoo con vós na casa). Feito isto, comezariamos a poñer en marcha a planificación da mesma. Máis adiante, teriamos unha reunión onde vos informariamos do planning concreto para cada día e recomendacións para a viaxe.