Língua Castelá e Literatura

Hoxe e mañá celebraranse debates no Pazo do Hórreo  entre  oradores e parlamentarios moi novos, como son os participantes no Parlamento Xove. Alí estarán Adrián Oliveira, Sara Jove, Ágela García e Adrián Herrero, todos eles alumnos do IES de Fene que, dirixidos pola profesora de Lingua Española María Nogareda, participan na fase final desta competición dialéctica despois de teren  superado con éxito a súa clasificación para chegar ate aquí. Desexámoslles sorte, tanto aos que se teñan que subir a tribuna de oradores, coma aos que desde os seus escanos fagan interpelacións ou aportacións nos debates. O tema de debate xira en torno ao ser e a preocupación pola  propia imaxe. O equipo é moi bo e seguro que defenderán as súas posicións brillantemente e con elegancia. Unha boa  proba da súa capacidade oratoria e dialéctica é a conversa que mantiveron cos responsables da Web do IES de FENE, a pesares de que a  calidade do son non é óptima  vale a pena escoitala, nesta conversa contan a súa experiencia na fase clasificatoria do Parlamento Xove celebrada na Diputación da Coruña

(5-4-2013)