Reciclarte no IES Sofía Casanova

Mar, 14/10/2014 - 12:57

Se te achegas ao noso centro estes días, poderás contemplar unha exposición de meninas feitas polos alumnos de 4º de ESO do curso pasado con obxectos reciclados.

A actividade foi coordinada pola profesora de EPV María Lanza. Estes artefactos son os mesmos que decoraban as fiestras e as árbores de Canido durante a última edición das Meninas os días 5 e 6 do pasado mes de setembro.

Ver traballos

.

Exposición de traballos sobre o nacemento da Venus de Botticelli

Xov, 26/06/2014 - 05:27

No recibidor do instituto celebrouse unha exposición cos traballos dos alumnos de 4º de ESO, da materia de Educación Plástica e Visual, sobre versións persoais do famoso cadro de Botticelli.

As obras foron sometidas a votación por parte da comunidade educativa do IES Sofía Casanova e tres delas resultaron premiadas.

Nesta ligazón podes ver todas as obras.

Ruta didáctica das Meninas de Canido

Ven, 25/04/2014 - 13:41

O pasado luns, 7 de abril, os alumnos de Educación Plástica e Visual de 4º da ESO realizaron a ruta das Meninas no barrio ferrolá de Canido na que foron acompañados polo creador do proxecto Eduardo Hermida.

Ver foto ampliada.

Visita á Cidade da Cultura

Mar, 01/04/2014 - 04:45

Dentro das actividades complementarias do Departamento de Debuxo e da Biblioteca do Centro, o alumnado de primeiro da ESO visitou dúas exposicións, "Gravado" e "Auga Doce", o pasado martes día 25.

En ambalasdúas recibiron explicacións didácticas a cargo de profesionais expertos en cada unha das temáticas.