Curso 2019-2020

A continuación tedes os artigos publicados no Diario de Pontevedra e na Voz de Galicia sobre a actividade de escape room de Tilda Einarsson sobre a diabetes.

Como todos os anos a Consellería de Cultura, Educación e Ordenación Universitaria conmemora no mes de novembro o mes da ciencia en galego nas bibliotecas escolares. Pincha na imaxe seguinte para ver algún dos libros relacionados coa ciencia e a tecnoloxía que podes ler e levar da biblioteca do Instituto. Tamén na ligazón de texto inferior tedes o manifesto escrito polo coñecido investigador, profesor universitario e divulgador científico Ángel Carracedo en relación con esta celebración.

Manifesto de Ángel Carracedo celebración do mes da ciencia en galego nas bibliotecas

O vindeiro luns 11 de novembro no paraninfo do Centro  teremos a sorte de contar coa cantante Guadi Galego no marco do programa cántamo en galego!, que é un espazo musical radiofónico no que cada luns, durante o programa Pontevedra na onda, se entrevista a artistas da nosa música que poñen en valor o uso da lingua galega na produción musical. Os encontros teñen lugar en diferentes centros educativos do concello de Pontevedra, onde o alumnado ten a oportunidade de coñecer ás persoas convidadas, que veñen falar da súa carreira musical, novos traballos e a súa experiencia neste mundo. Ao finalizar a entrevista, hai unha quenda de preguntas, que vén seguida dunha canción acústica en directo.

As alumnas de 4º de ESO A Carla Filgueira e Paula Palacios do club As Triscas de Pontevedra clasificáronse para o campionato de España de ximnasia na modalidade de mazas categoría cadete ao obter a medalla de ouro no campionato galego celebrado en Ourense. Parabéns as nosas ximnastas e moita sorte no campionato que se desputa en Pamplona entre os días 5 e 10 de novembro.

Noticia publicada Voz de Galicia

Noticia publicada Faro de Vigo

Noticia publicada Pontevedra Viva

Noticia publicada Xornal Galicia

Este luns 28 de outubro tivo lugar a entrega de premios do IV Certame de relatos Valle Inclán en lingua galega e castelá. O tema desta edición foi a igualdade de xénero e contou con moitísima participación. O acto foi presentado pola xefa de departamento de Lingua Castelá Ana Bugallo e houbo dúas dramatizacións feitas polo alumnado: un conto e unha escea de Luces de Bohemia, e unha actuación musical da voz (Mariña Paz) e guitarra (Diego Flores) do grupo furious monkey house. Pincha na imaxe superior para ver todas as fotografías e un breve vídeo da interpretación musical.

A continuación tedes a lista dos premiados:

Pincha na imaxe para ver a revista dixital:

Aquí tedes o vídeo de fotografías:

Alumnado de 1º de Bacharelato do programa EEPE están en Estrasburgo invitados polo eurodiputado Francisco Millán Mon quen felicitou ao alumnado pola súa implicación e coñecementos sobre a Unión Europea, froito do seu gran traballo durante estes tres últimos anos. Pincha na primeira imaxe para ver o artigo publicado na edición dixital da Voz de Galicia.

Pincha na imaxe para ver os horarios e o profesorado dos grupos de adultos (horario nocturno) do IES Valle Inclán.

Convócase a IV edición do Concurso de relatos Valle-Inclán organizado polo departamento de Lingua Castelá do Centro. Este ano a novidade é que a temática versará sobre a igualdade de xénero. Poden facerse en galego ou castelán e haberá premios para ambas as categorías. Aquí tedes as bases da convocatoria.

O venres 20 de setembro arrancou o primeiro Sofá con Tareixa Casal, profesora de turismo no CIFP Carlos Oroza, que analizou e convidou ao alumnado do IES Valle Inclán a que reflexionasen sobre o sector do turismo como motor xerador de emprego e de distribución da renta con motivo da celebración do Día Mundial do Turismo, e que a OMT, Organización Mundial do Turismo, adica este ano ao “Turismo e emprego: un futuro mellor para todos”, tendo como país anfitrión à India.

Na charla suliñouse que aínda que a importancia da industria turística é evidente xa que aporta case un 12%  do Produto Interior Bruto na economía estatal,  dado o seu dinamismo tanto no que atinxe á demanda nacional como internacional, tamén é incuestionable que todavía quedan retos e desafíos nos que aplicarse e traballar: a capacidade de carga dos destinos e espazos naturais protexidos nos que é fundamental un equilibrio, a incursión da transformación dixital e revolución big data que obriga a reciclarse e replantearse a comercialización, a temporalidade, ou mesmo a irrupción de novas modalidades de aloxamento que todavía é necesario regular a nivel lexislativo tal e como apuntou no coloquio un alumno, e mesmo o consumo en equilibrio co entorno, dando prevalencia no sector da restauración a produtos km 0, xeradores de emprego cercano e máis respetuosos co medio ambiente.
 
Como aspectos positivos destacouse o coñecemento e intercambio con outras culturas, que fai que as persoas sexamos máis tolerantes e afíns a outras maneiras de vivir e pensar, e na que Pontevedra vén de ser recoñecida como cidade na que o respeto é máxime,  e o valor da xeración de eventos como mecanismos impulsores da xeración de emprego fóra da tempada estival, como a Feira Franca, Cantos na Maré ou a feira Pont Up Store que se desenvolveu na pasada fin de semana.

Pincha na imaxe para ver máis fotografías da charla.