IES de Cacheiras

PROBAS DELF

Sáb, 27/04/2024 - 01:19 — trinipazos

O departamento de francés prepara desde hai máis de 10 anos ao seu alumnado para a obtención do título de francés DELF B1 e B2.

Esta semana o alumnado que así o solicitou presentouse ás primeiras probas para obter a certificación en lingua francesa.

No mes de maio serán as probas orais.

3 lecturas

EDUCACIÓN PARA A CIDADANÍA GLOBAL

Sáb, 27/04/2024 - 01:11 — trinipazos

Alumnado do Grao en Educación Social en colaboración con Solidariedade Internacional impartiron este obradoiro en 4º ESO.

9 lecturas

MENORES NIN UNHA GOTA

Sáb, 27/04/2024 - 00:54 — trinipazos

A Fundación Alcohol e Sociedade estivo esta semana impartindo charlas para previr o consumo de alcohol entre menores nas aulas de 4º ESO.

8 lecturas

ALDÁN CREO VOLVE AO SEU IES PARA FALARNOS DE IA

Sáb, 27/04/2024 - 00:45 — trinipazos

Aldán Creo, ex alumno do IES de Cacheiras, volveu para impartir a charla Sacándolle partido a ChatGPT: trucos, ideas e consellos ao alumnado de 4º ESO e 1º bacharelato.

7 lecturas

PAULA CARBALLEIRA VOLVE AO IES DE CACHEIRAS

Sáb, 27/04/2024 - 00:29 — trinipazos

Paula Carballeira e o seu Obradoiro de narración oral volven ao noso centro para fomentar no alumnado máis novo o interese pola transmisión oral de contos e historias.

Todos os grupos de 1º ESO desfrutaron das súas historias de medo e crearon os seus propios contos para asustar a Paula na segunda sesión.

Grazas á ANPA por financiar esta actividade en colaboración coa Deputación da Coruña.

21 lecturas

DÍA DO LIBRO NO IES DE CACHEIRAS

Mér, 24/04/2024 - 06:54 — trinipazos

"Amadriña a cegas un libro" nesta actividade pódese escoller entre os libros ofertados, coñecendo só unha pequena reseña sobre o seu contido.

Exposición de libros curiosos: O profesorado aportou libros que saen do común para realizar esta exposición que podedes ver na biblioteca durante toda a semana.

O alumnado de 1º ESO preparou recomendacións lectoras para este día.

19 lecturas

RECÉITAME UN LIBRO

Lun, 22/04/2024 - 21:59 — trinipazos

Poñemos en marcha, co gallo do día do libro, o noso proxecto de biblioteca curativa "Recéitame un libro".

Escribe a túa receita e recomenda ese libro que che axudou a curar cando estabas...

Podes coller na caixa do mostrador unha tarxeta que ten un cordeliño e unha pinza na que figuran distintos estados de ánimo. Escolle aquela na que figure a emoción que a ti che espertou a lectura dese libro e que ti recomendarías a outros usuarios. A continuación, cobre no espazo en branco, no que hai un círculo, o título, autor e na parte interna da tarxeta o que máis che gustou dese libro. Por último, coloca a pinza na portada.

16 lecturas

III FESTIVAL DE TEATRO ESCOLAR DO IES DE CACHEIRAS

Dom, 21/04/2024 - 16:17 — trinipazos

Este sábado a Aula de Teatro do IES de Cacheiras, xunto con familias e veciños da Asociación cultural A Mámoa, representaron un roteiro poético, musical e teatral na aldea de Luou.

Posteriormente, no Auditorio Constante Liste, puxeron es escena Á luz das candeas xunto co Obradoiro Municipal de Teatro de Palas de Rei e a Aula de Teatro do CPI Fonte Díaz de Touro.

Grazas ao Concello de Teo e á Asociación A Mámoa por formar parte deste proxecto.

15 lecturas

DÍA DO LIBRO NO IES DE CACHEIRAS

Dom, 21/04/2024 - 12:39 — trinipazos

Para este martes, Día do libro, o equipo da biblioteca e o EDLG teñen preparadas varias propostas que esperamos que vos gusten. Vinde pola biblioteca!

10 lecturas

PRESENTACIÓN DA CURTAMETRAXE COMUNICAZIÓN ALFA NO MICEscola

Ven, 19/04/2024 - 21:32 — trinipazos

Comunicación alfa, unha peza do alumnado de 2º ESO C do IES de Cacheiras, que explora a maneira de comunicarse dos rapaces de entre trece e catorce anos, presentouse este xoves no Museo do Pobo Galego dentro do proxecto MICEscola.

Cinco centros de ensino galegos: o IES Pedra da Aguia (Camariñas), o CPI Plurilingüe Cernadas de Castro (Lousame), o IES de Oroso (Oroso), o IES de Arzúa (Arzúa) e o IES de Cacheiras (Teo) participaron nesta interesante proposta.

Grazas a ANPA por financiar o transporte ata o museo en colaboración coa Deputación da Coruña.