Ed. Plástica e Visual

No corredor principal podedes ver esta exposición de traballos realizados polo alumnado de plástica de 1º ESO.

A espiral é unha liña aberta e curva que vira ao redor dun punto afastándose del en cada volta. É unha forma xeométrica moi representada na cultura galega desde épocas ancestrais que representa o crecemento, a expansión e o paso do tempo.

Moitos parabéns ás gañadoras e gañadores dos concursos de Conxuros, Relatos e Microrrelatos de Samaín e Deseña a túa porta violeta!!!

Moitas grazas a todos os que participastes. O nivel foi moi alto e a decisión moi difícil!

O 15 de novembro o profesor do IES de Cacheiras, Sergio Clavero, presentou o seu proxecto Imaxinando Músicas realizado en colaboración co Conservatorio Profesional de Música de Santiago no festival compostelán Cineuropa.

O proxecto Aturuxo films estará dentro da programación do festival de cine compostelán Cineuropa. O día 15 de novembro ás 18h programarán Imaxinando Músicas.

Nesta sesión proxectarase unha selección das obras realizadas polo alumnado nestes 15 anos de proxecto educativo e interpretarase en directo algunha das súas bandas sonoras.

Máis información no seguinte enlace:

Respirar continúa percorrido por festivais de cinema onde acadou seis premios. Na fin de semana proxéctase como finalista no YOUKI International Youth Media Festival de Wels en Austria, onde acudirá Andrés Couso convidado polo festival, e no Dubrovnik film festival.