Orientación

                               OBRADOIROS  DO  "CENTRO  QUÉROTE" NO  C.P.I. "JOSÉ GARCÍA" DE MENDE (OURENSE)

                                 SEXUALIDADE E IMAXE CORPORAL                                  USO SEGURO DAS TICS

Os pasados xoves 4 e 11  de Abril tiveron lugar no CPI de Mende dous Obradoiros impartidos por Técnicos do "Centro Quérote" de Ourense da Area de Xuventude da Consellería de Traballo e Benestar da Xunta de Galicia. Estes obradoiros, impartidos para os alumnos e alumnas de 3º de ESO, véñense celebrando todos os anos e forman parte das actividades levadas a cabo dentro do Plan de Acción Titorial do centro. O primeiro obradoiro sobre" Sexualidade e imaxe corporal"foi  impartido por Laura e o segundo sobre o "Uso seguro das Novas tecnoloxías" (redes sociais, Internet, teléfonos móbiles etc.) impartido por Millán.

Esta actividade foi organizada polo Departamento de Orientación e Actividades Extraescolares do centro.

O PASADO MÉRCORES 20 DE MARZO OS ALUMNOS E ALUMNAS DE 3º DE ESO DO NOSO CENTRO ASISTIRON A UNHA CHARLA LEVADA A CABO POR MEMBROS DA ASOCIACIÓN "ALCOHÓLICOS ANÓNIMOS" DE OURENSE.

ESTAS CHARLAS VÉÑENSE REPETINDO DENDE XA FAI VARIOS ANOS E TRATAN DE CONCIENCIAR AO ALUMNADO DO CENTRO SOBRE AS CONSECUENCIAS DO CONSUMO DE ALCOL VISTA DENDE A PERSPECTIVA DE PERSOAS QUE SUFREN ESTA "ENFERMIDADE" E DA LOITA DIARIA QUE LEVAN A CABO PARA CONSEGUIR REHABILITARSE E REINCORPORARSE Á SOCIEDADE.

A ACTIVIDADE FORMA PARTE DO PLAN DE ACCIÓN TITORIAL DO CENTRO E ESTÁ ORGANIZADA POLOS DEPARTEMENTOS DE ORIENTACIÓN E ACTIVIDADES EXTRAESCOLARES

VISITA A CENTROS DE BACHARELATO E FP

Os alumnos e alumnas do CPI de Mende visitaron onte os Centros IES 12 de Octubro e CIFP A Farixa. Estas visitas forman parte do Programa de Orientación Académica e Profesional que se leva a cabo cos alumnos de 4º da ESO. O seu obxectivo é que o alumnado teña unha visión de primeira man dos centros onde pode continuar os seus estudos ao rematar a ESO e coñecer de preto tanto o Bacharelato como os Ciclos Formativos de Formación Profesional, Nos citados centros informouse ao alumnos de cales son as modalidades de Bacharelato e Familias Profesionais que se imparten neles.

IES 12 DE OCTUBRO

CIFP A FARIXA

              Alumnos de 3º de ESO                                                                                                        DR.Rafael Maldonado

O pasado mércores, 23 de xaneiro, os alumnos de 3º da Eso do CPI “José García García”  participaron no debate sobre as drogas que tivo lugar no Auditorio de Ourense dentro do Programa “Falemos de drogas” patrocinado pola Fundación La Caixa e o Concello de Ourense.

A este debate, que era continuación da Exposición que tivo lugar durante o mes de Nadal nunha carpa da Fundación La Caixa na Alameda de Ourense, aistiron mais de 400 alumnos participantes no Programa e o seu obxectivo é previr, informar e sensibilizar sobre os efectos do consumo de drogas.

O debate foi coordinado polo Catedrático de Farmacoloxía, médico e investigador de renome internacional  na prevención da drogadicción,  Dr. Rafael Maldonado.

Os alumnos e profesores participantes fixeron preguntas ao ponente sobre distintas cuestión relacionadas coa adicción ás drogas.

Esta actividade foi organizada polos Departamentos de Orientación e Actividades Complementarias do CPI de Mende e coa colaboración dos titores de 3º da Eso e de 5º e 6º de Primaria.

Na seguinte Ligazón pódese consultar información e actividades relacionadas con este Programa “Falemos de drogas”:

PÁXINA WEB DO PROGRAMA  ” FALEMOS DE DROGAS” DA FUNDACION LA CAIXA

OBRADOIRO SOBRE O TABACO E OUTRAS DROGAS

PARA ALUMNOS DE 4º DE ESO

Dentro do Plan de Acción Titorial e do ámbito da Educación para a Saúde escomenzamos o pasado sábado un ciclo de Obradoiros (1 por Trimestre)  sobre conductas aditivas na adolescencia, para alumnos de 4º da ESO. O obradoiro tratou a problemática do tabaco, así como doutras drogas nas que algúns xoves se inician descoñecendo os seus efectos. Este Obradoiro foi impartido por José Luis González, Tècnico e Inspector de Sanidade da Consellería de Sanidade da Xunta de Galicia e estivo organizado polos Departamentos de Orientación e Actividades Extraescolares e Complementarias do CPI de Mende. Terá continuidade durante o 2º e 3º trimestre con outros dous obradoiros sobre a temática do alcohol e a adicción ás novas tecnoloxías (móbiles, Internet, redes sociais...)