Extraescolares

O alumnado de Mende participou nunha xincana medioambiental organizada polo Concello de Ourense nas instalacións do Parque de Montealegre.

O día 19 de Abril, os alumnos de 3º da ESO, asistiron a un concerto didáctico no Auditorio de Galicia en Santiago de Compostela dentro das actividades do Departamento de Música. Nel interpretáronse as seguintes obras: Concerto para clarinete nº 2, op. 74 de C. M. Weber e o Concertino nº 7, op. 45 para trombón e orquesta de corda de L. E. Larsson.

Por parte do departamento de Plástica, visitamos unha exposición guiada no Centro Galego de Arte Contemporánea constituída pola colección de Helga de Alvear, onde poidemos ver obra de  Morris Louis, Ad Reinhardt, Robert Motherwell, Manuel Rivera, Pablo Palazuelo..., representantes do modernismo clásico; e de Joseph Kosuth, Ed Ruscha, Gordon Matta-Clark, Equipo Crónica… representantes das neovangardas.

O alumnado do CPI participou no xoves de compadres organizado polo Concello de Ourense.

                      FOTOS

O vindeiro Venres 17 de Febreiro celebramos o tradicional Festival do Entroido de Mende, no que, coma sempre, faremos un desfile e un concurso de disfraces. ANIMÁDEVOS A PARTICIPAR.

O alumnado do CPI José García de Mende, co departamento de Plástica, visitou o 11 de xaneiro, Niñodaguia, para facer unha visita aos fornos comunais da aldea, onde se cocían as vasixas, e ao museo que recolle como se traballaba o barro desde a súa estracción na barreira, ata a elaboración definitiva de cada cacharro. Coñeceron a exclusividade do barro amarelo da zona, e as formas particulares das pezas que se fan alí. Para rematar visitamos o taller en activo de Agustín, alfareiro que traballa tanto pezas orixinais da súa man, coma as tradicionais de todas as mans de Niñodaguia.